اخبار ثقافية

سنين عجاف

 

قاسم مسعود

تجاعيد الزمن ترسم على خد السنين قصور
وصور من ماضي أيامه قد تحطم مبانيها

كثير اشياء تتغير منها الليل يصبح نور
عدى ذكريات الأمس باقي اعيش انا فيها

كأنك حلم بعيوني حلمته في سنين الطور
تحقق لي وتبدد لك بلحظة ماكنت اهقيها

بحلمي كثير حبيتك وعشقتك به بليا شعور
وصل فيني الأمر اني جروحي قمت اداريها

رضيت الذل في حبك اكابر وخاطري مكسور
اقول هي أزمه وتعدي أبصبر لين اعديها

تقل كني ابد مجنون متيم او احد مسحور
انا فعلاً متيم حيل ونفسي صعب اقاويها

تخيل الزمن وقف ومعه أرض اوقفت ماتدور
كان الحين معاناتي معك مثل ماهي اعانيها

يراود خاطري ارجع وترجع لك سنين وشهور
لكن عزة احساسي تحلف لا لا.. مايمديها

لغيري جرب الكذبه وشوف مثل عليه الدور
اذا كان تقدر تحاول على غيري تمشيها

سنين عجاف ذ العشرة ماسدت رمق عصفور
رغم كل الحقول اللي في مرتع خصب أرويها

خلاص تعبت انا اشرح وابين ماخفى من بور
دفاترك امتلت اخطاء في ضنك ويش اسميها

لو يرجع زمان الحول وخده انبتت به زهور
حتى لو تمر عليه غيوم ماضن تسقيها.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق